讲紧嘅係早前 Shell 超凡喜力机油「梦想 Drive On 之旅」嘅参加者。5 位区参加者喺 11 月尾远赴全球跑车迷梦想之都 – Maranello 法拉利总部，喺独一无二嘅传奇赛道之上，拥抱超级跑车嘅极速快感。
3 日 2 夜嘅旅程有唔少亮点，但重点晒命位一定係揸住 488 GTB 喺法拉利私人赛道 Fiorano Circuit 度奔驰，呢条梦想赛道为法拉利开发咗无数架传奇跑车，亦係速度、机密、荣耀嘅代名词。试谂下，你同舒密加、拉高伦、同埋维泰尔呢啲世界冠军级车手跑紧同一个圈，点会唔兴奋，点会唔 High 先？
教练仲会 1 对 1 同佢地睇返车 Cam，透过资料数据进行分析，希望用最短时间改善技术。虽然未必做到「拖一个波、畀啖油，潇洒又过一弯」嘅境界，但係所有参加者都非常满意，完全唔捨得走！
当你以为係时候讲拜拜，One More Thing，大会仲安排咗一个特大惊喜，就係 812 Superfast！你无睇错，係 812 Superfast！真係 812 Superfast！呢部法拉利史上最强劲嘅量产跑车，11 月头先喺首展，唔够几日，呢班「梦想之旅」嘅车手已经可以率先喺 Fiorano 赛道上独家试揸呢架 6.5 公升 V12，800 匹马力，0-100km/h 只需 2.9 秒嘅法拉利梦想之车！大会见到其他非驾驶参加者睇到流晒口水，于是极力争取每人一次极速试坐体验，等佢地都感受下咩叫「驾驶真谛」！
除咗 Fiorano 赛道呢道主菜，其他行程亦都非常有睇头，例如参观法拉利 Marenello 车厂、博物馆，逐步去睇下每一个製作过程，点样为车主度身订造，睇下手工有几咁细緻，仲可以认识一下法拉利唯一认可使用嘅机油—— Shell Helix Ultra 超凡喜力对超级跑车嘅影响力，以 PurePlus 技术将天然气转化而成，几乎不含任何原油常见杂质，加上独家专利活性清洁技术，为超跑发挥更高层次嘅引擎性能，喺赛场上屡创佳绩。
最后不得不提一下整个 Trip 嘅最后一晚，大会安排咗大家去法拉利博物馆入面嘅 Sala Delle Vittorie 餐厅，置身喺芸芸法拉利 F1 冠军赛车之中享用晚宴，为呢次寻找驾驶真谛之旅完美作结。